Apple o‘z raqiblari smartfonlari uchun qancha to‘lashi ma’lum bo‘ldi

Avval xabar berganimizdek, Amerikaning Apple kompaniyasi Trade-in dasturi bo‘yicha boshqa ishlab chiqaruvchilarning devayslarini qabul qilishni boshladi.

Ushbu dastur yangi gadjet narxining bir qismi avval ishlatilgan qurilma hisobidan qoplanishini nazarda tutadi. Kompaniya ma’lum narxdagi devayslar o‘rniga iOS-qurilmalar sotib olish uchun sovg‘a sertifikatlarini taqdim etadi.

Mail.ru xabar berishicha, dastur AQSh, Fransiya, Buyuk Britaniya, Germaniya, Kanada va Italiyada amal qiladi. Ayni paytda dasturda Samsung, Sony, HTC, Nokia, LG va Blackberry’ning ba’zi smartfonlari ishtirok etishi mumkin.

Buyuk Britaniyada iPhone 5s uchun kompaniya 170 funt, Samsung Galaxy Note 4 uchun 198 funt, Galaxy S5 uchun 144 funt to‘lashga tayyor.

Sony Xperia Z3, HTC One (M8) va LG G3 Dual-LTE kompaniya tomonidan 136, 135 va 121 funtga baholanadi.

Lumia 930 77 funt, Lumia 1520 planshetofoni 80 funt, Lumia 1020 54 funt tejash imkonini beradi.