Olma-Ota dunyoda iqtisodiyoti eng tez o‘sayotgan shaharlar o‘nligidan joy oldi, deya xabar bermoqda “Kazpravda.kz”.
Amerikaning Financial Post nashri ushbu reytingni aholi punktlarining moliyaviy va investitsiyaviy jihatdan jalb eta olish imkoniyatiga asoslanib tuzdi.
Nashr ekspertlari fikricha, Olma-Ota so‘nggi yillarda iqtisodiy sohada sezilarli darajada olg‘a siljigan. Nyu-York, London va Tokio nashr reytingiga kiritilmadi, unga faqat investitsiya uchun eng yaxshi imkoniyatlarga ega rivojlanayotgan davlatlar kirdi. Olma-Ota ro‘yxatning o‘ninchi pog‘onasini egalladi hamda Moskva va Varshavani ortda qoldirdi.
Megapolisning dunyoning 160 davlatini qamrab oluvchi tashqi savdo aylanmasi o‘tgan yilning o‘zida 16 milliard dollardan oshgan, shuning 12 milliardi import hissasiga to‘g‘ri keldi.
Izoh (0)