Singapurning birinchi bosh vaziri Li Kuan Yu og‘ir ahvolda yotibdi, deya xabar bermoqda Reuters mamlakat vazirlar mahkamasi bayonotiga tayanib.
91 yoshli Li Kuan Yu Singapur kasalxonasining intensiv davolash bo‘limida yotibdi. 19-mart, payshanba kuni shifoxonaga yuzlab kishilar, jumladan o‘nlab jurnalistlar tashrif buyurdi.
Eslatib o‘tamiz, Li Kuan Yu fevral boshida pnevmoniyaning og‘ir shakli bilan kasalxonaga yotqizilgan edi.
“Janob Li Kuan Yuning ahvoli infeksiya tufayli yomonlashdi. U antibiotiklar bilan davolanmoqda. Shifokorlar uning ahvolini diqqat bilan kuzatmoqda”, — deyiladi Singapurning hozirgi bosh vaziri Li Syanlun (Kuan Yuning o‘g‘li) bayonotida.
Li Kuan Yu — taniqli singapurlik siyosatchi 1959-yilda Singapur mustaqillikka erishgach, uning tarixidagi ilk bosh vazirga aylangan va 31 yil davomida o‘z lavozimini egallab kelgan.
Izoh (0)