BMT Xavfsizlik Kengashi Tunis poytaxtidagi muzeyda sodir etilgan teraktni qoraladi, deya xabar bermoqda “Rossiyskaya gazeta” tashkilot tomonidan qabul qilingan bayonotga tayanib.
XK tashkilotga a’zo davlatlarni jinoyatga aloqadorlarning barchasini javobgarlikka tortish bo‘yicha Tunis hukumati bilan faol ravishda hamkorlik qilishga chaqirdi.
Avvalroq BMT Bosh kotibi Pan Gi Mun va qator Yevropa davlatlari ham jangarilar harakatlarini qoralab chiqqan edi.
Eslatib o‘tamiz, 18-mart, chorshanba kuni Tunis poytaxtidagi Bardo milliy muzeyida jangarilar sayyohlar guruhini garovga oldi, muzeyga hujum qurbonlari soni 22 kishini tashkil etdi.
Halok bo‘lganlar orasida Germaniya, Italiya, Polsha va Ispaniya kabi davlatlardan kelgan turistlar bor. Shuningdek ikki nafar tunislik — tinch aholi vakili va huquqni himoya qilish organlari xodimi terrorchilik qurboniga aylandi.
Izoh (0)