Xotinining xiyonat qilayotganini sezib qolgan italiyalik erkak uni tashlab ketishi va sudda uchrashishni kutayotganini butun mamlakatga aytish uchun Corrierre della Serra gazetasidan butun boshli ruknni sotib oldi, deb xabar bermoqda “RIA Novosti”.
O‘zini Enso deb tanishtirgan erkakning maktubi gazetaning 13-martdagi sonida chop etilgan. Unda jabrdiyda xotiniga murojaat qilib, uning xiyonati haqida qanday bilganini ma’lum qilgan va ayolni sudda kutishini yozgan. Shuningdek, erkakning ta’kidlashicha, u Facebook’da “Sening sobiq ering” nomli maxsus sahifa ochgan.
Internetda erkakka achinganlar bilan birga ushbu xabarning haqiqiyligiga shubha bildirganlar ham topilgan. Bundan tashqari, qator OAV va mutaxassislar bu aldangan erning haqiqiy maktubi emas, balki xiyonatga bag‘ishlangan yangi ko‘rsatuvning reklamasi degan fikrga kelgan. Hozircha bu fikrlar o‘z isbotini topmagan.
Izoh (0)