AQShning Ogayo shtati Kolumbus shahrida yashovchi o‘qituvchi Sheyla Kyorns bolalarga darsda “O‘lim alifbosi” deb nomlangan qo‘rqinchli filmni ko‘rsatgani uchun 90 kunlik qamoq jazosiga mahkum etildi, deya xabar bermoqda The Guardian. Ayol voyaga yetmaganlar uchun zararli bo‘lgan materiallarni tarqatishda aybdor deb topildi.
58 yoshli Kyorns real qamoq jazosidan tashqari, uch yilga shartli ravishda ozodlikdan mahrum etildi. O‘qituvchi ispan tili darsini boshqa o‘qituvchining o‘rniga o‘tib turgan va fan bo‘yicha yetarli bilimga egamasligi tufayli, standart materiallar o‘rniga o‘quvchilarga film ko‘rsatishga qaror qilgan. Kartinada ingliz tilidan tashqari ispan tilida so‘zlashiladigan sahnalar ham bo‘lgan.
O‘qituvchi, shuningdek, “O‘lim alifbosi”ning bolalar uchun nomaqbul mazmunga ega ekanligidan bexabar bo‘lganini, darsda filmni namoyish etganida ekranga qaramaganini ta’kidladi. Hukm chiqargan sudya Kyornsning bahonalariga ishonmasligini aytdi.
Kyorns 2013-yil aprelida turli sinflar o‘quvchilariga ispan tili darslarida “O‘lim alisbosi”ni besh marta ko‘rsatgan. Shunday mashg‘ulotlardan biriga maktab ilmiy mudiri kirib qolgan.
Izoh (0)