АҚШнинг Огайо штати Колумбус шаҳрида яшовчи ўқитувчи Шейла Кёрнс болаларга дарсда «Ўлим алифбоси» деб номланган қўрқинчли фильмни кўрсатгани учун 90 кунлик қамоқ жазосига маҳкум этилди, дея хабар бермоқда The Guardian. Аёл вояга етмаганлар учун зарарли бўлган материалларни тарқатишда айбдор деб топилди.
58 ёшли Кёрнс реал қамоқ жазосидан ташқари, уч йилга шартли равишда озодликдан маҳрум этилди. Ўқитувчи испан тили дарсини бошқа ўқитувчининг ўрнига ўтиб турган ва фан бўйича етарли билимга эгамаслиги туфайли, стандарт материаллар ўрнига ўқувчиларга фильм кўрсатишга қарор қилган. Картинада инглиз тилидан ташқари испан тилида сўзлашиладиган саҳналар ҳам бўлган.
Ўқитувчи, шунингдек, «Ўлим алифбоси»нинг болалар учун номақбул мазмунга эга эканлигидан бехабар бўлганини, дарсда фильмни намойиш этганида экранга қарамаганини таъкидлади. Ҳукм чиқарган судья Кёрнснинг баҳоналарига ишонмаслигини айтди.
Кёрнс 2013 йил апрелида турли синфлар ўқувчиларига испан тили дарсларида «Ўлим алисбоси»ни беш марта кўрсатган. Шундай машғулотлардан бирига мактаб илмий мудири кириб қолган.
Изоҳ (0)