Tayvanda Taybey metrosida qonli xunrezlik sodir etgan talaba o‘lim jazosiga mahkum etildi, deya xabar bermoqda “TASS”. Sud uni 4 kishini qasddan o‘ldirish va yana 22 kishiga shikast yetkazishda aybdor deb topdi.
Fojia o‘tgan yilning may oyida sodir bo‘lgan. Metroda ketayotgan yigit kutilmaganda uzun pichoq olib, vagondagi odamlarga tartibsiz zarbalar bera boshlagan. Hujumni amalga oshirgan yigit Taychjun shahri universitetining 22 yoshli talabasi Chjen Sze bo‘lib chiqdi. Huquqni muhofaza qilish organlari uning alkogol yoki narkotiklar ta’siri ostida bo‘lgani haqidagi xabarlarni rad etdi.
Chjen Sze o‘z jinoyatini uning anchadan buyon “yirik va hayratga soladigan zarba” berish g‘oyasini o‘ylab yurgani bilan izohladi. Talaba aybiga iqror bo‘lgan bo‘lsa-da, o‘z qilmishidan zarracha ham afsusda emasligini bildirdi.
Izoh (0)