Qozog‘iston prezidenti Nursulton Nazarboyev mamlakat prezidentligiga muddatidan avvalgi saylovlarda qatnashish rejasi bo‘lmagani, biroq bunday iltimos bilan yozilgan ko‘plab maktublar olganini aytdi, deb yozadi Interfax.
“Hozir saylov kampaniyasi boshlandi, va muddatidan avvalgi saylovlar g‘oyasini asosan ayollar qo‘llab-quvvatladi. Meni qo‘llab-quvvatlab, o‘z nomzodimni ilgari surishni so‘rayotgan odamlardan minglab xatlar olayapman”, — dedi Nazarboyev 8-mart arafasida qozog‘istonlik taniqli ayollar bilan an’anaviy uchrashuvda.
“Rostini aytsam, o‘zimning shaxsiy rejalarim umuman boshqacha edi. Men Qozog‘istonni ancha yillar davomida boshqardim. Balki teatrda aytiladigandek, sahna bezaklarini o‘zgartirish vaqti kelgandir”, — dedi u. Shu bilan birga, u ayni paytda endi nima qilishi haqida xalq bilan maslahatlashish imkoniyati borligini ta’kidladi.
Izoh (0)