Rossiya prezidenti Vladimir Putin 1-martdan o‘z maoshini 10 foizga qisqartirdi, deya xabar bermoqda “Gazeta.ru” Kreml saytiga tayanib. Shuningdek, bosh vazir Dmitriy Medvedevning oyligi ham kamaytirilgan.
Hujjatda aytilishicha, 2015-yilning 1-martidan 31-dekabrigacha Rossiya prezidenti, hukumat raisi hamda “Ijroiya hukumatining ba’zi federal organlari rahbarlari mehnati uchun haq to‘lash to‘g‘risida” va “Rossiya Federatsiyasining ba’zi davlat lavozimlarini vaqtinchalik bajaruvchi shaxslarga pul mukofoti berish to‘g‘risida”gi farmonlarga muvofiq pul to‘lanadigan shaxslarga, Rossiya Bosh prokurori va Tergov qo‘mitasi raisiga beriladigan pul mukofoti, oylik pulli rag‘bat va choraklik pulli rag‘bat 10 foizga kamaytirilgan holda beriladi.
Izoh (0)