Тайванда Тайбэй метросида қонли хунрезлик содир этган талаба ўлим жазосига маҳкум этилди, дея хабар бермоқда ТАСС. Суд уни 4 кишини қасддан ўлдириш ва яна 22 кишига шикаст етказишда айбдор деб топди.
Фожиа ўтган йилнинг май ойида содир бўлган. Meтрода кетаётган йигит кутилмаганда узун пичоқ олиб, вагондаги одамларга тартибсиз зарбалар бера бошлаган. Ҳужумни амалга оширган йигит Тайчжун шаҳри университетининг 22 ёшли талабаси Чжен Цзе бўлиб чиқди. Ҳуқуқни муҳофаза қилиш органлари унинг алкоголь ёки наркотиклар таъсири остида бўлгани ҳақидаги хабарларни рад этди.
Чжен Цзе ўз жиноятини унинг анчадан буён «йирик ва ҳайратга соладиган зарба» бериш ғоясини ўйлаб юргани билан изоҳлади. Талаба айбига иқрор бўлган бўлса-да, ўз қилмишидан заррача ҳам афсусда эмаслигини билдирди.
Изоҳ (0)