Sony компанияси арзон Xperia E4 смартфонини тақдим этди, дея хабар бермоқда «Корреспондент.net». Ушбу моделнинг ўзига хослиги сифатида унинг икки кун фаол режимда қувватсиз ишлай олиши таъкидланмоқда.
Смартфон 5 дюйм 960×540 пикселли дисплей, тўрт ядроли MediaTek MT6582 процессори, 1 Гб тезкор ва 8 Гб ички хотира, 5 мегапикселли асосий ва 2 мегапикселли олд камера билан жиҳозланган.
Xperia E4 Android 4.4.4 KitKat операцион тизимида ишлайди. Янги қурилманинг ўлчамлари 137×74,6×10,5 мм, оғирлиги 144 граммга тенг. Батареяси сиғими 2300 мА/с бўлиб, уни тежаш учун Stamina ва Ultra Stamina функциялари мавжуд.
Смартфон февраль ойида икки хил: оддий ва икки SIM-картали вариантларда сотувга чиқади. Уларнинг нархлари 160 ва 200 доллар атрофида бўлиши тахмин қилинмоқда.
Изоҳ (0)