Tayvanning TransAsia Airways aviakompaniyasiga tegishli ATR-72-600 turbovintli samolyoti qulab tushishi natijasida halok bo‘lganlar soni 35 kishiga yetdi, deya xabar bermoqda “TASS”.
So‘nggi ma’lumotlarga ko‘ra, 4-fevral, chorshanba kuni sodir bo‘lgan aviahalokatda 15 kishi omon qolgan, 8 kishi bedarak yo‘qolgan. G‘avvoslar jasadlarni qidirishda davom etmoqda.
Havo kemasi bortida jami 58 kishi — 5 nafar ekipaj a’zolari va 53 nafar yo‘lovchi bo‘lgan.
Ikki motorli samolyot Taybeydan Tayvan bo‘g‘ozidagi Szinmen arxipelagiga ichki reysni amalga oshirayotgan bo‘lgan. “Sunshan” aeroportidan uchib ketish vaqtida layner boshqaruvni yo‘qotgan. Chap qanoti bilan yonboshqa og‘ib qolgan samolyot osma ko‘prikni turtib o‘tgan va daryoga qulagan.
Izoh (0)