Osiyo kubogi musobaqasidagi guruhdoshlarimiz KXDR va Saudiya Arabistoni terma jamoalari o‘rtasidagi uchrashuv nihoyasiga yetdi, deya xabar bermoqda “Stadion.uz”.
Birinchi bo‘lib to‘p o‘tkazib yuborgan bo‘lsa-da, saudiyaliklar keyinchalik vaziyatni tenglab, irodali g‘alabaga erishdi.
11-daqiqada Lyang Yen Gi darvozabondan qaytgan to‘pni ikki himoyachi orasidan darvozaga joylab qo‘ydi — 1:0.
Shundan so‘ng koreyaliklar o‘yinlarini yanada kuchaytirdi. To‘p uzatishdagi aniqliklar, kombinatsiyalar bugun ularning muvaffaqiyat qozonishini ta’minlashi kerak edi. Ammo arablar taslim bo‘lmadi va birinchi bo‘limni durang bilan yakunlashga erishdi. 37-daqiqada Hazzoziy hisobni tenglashtirdi — 1:1.
Ikkinchi bo‘lim boshlarida, aniqrog‘i 52-daqiqada Saudiya Arabistoni Al Sahlaviyning goli evaziga hisobda oldinga chiqib oldi — 2:1. Ikki daqiqa o‘tib, Sahlaviyning yana bir golidan so‘ng shimoliy koreyaliklar deyarli taslim bo‘ldi.
77- daqiqada Al Obid penaltini aniq amalga oshirib jamoasining yirik g‘alabasiga hissa qo‘shib qo‘ydi.
Osiyo kubogi, B guruhi, 2-turKXDR — Saudiya Arabistoni 1:4 (1:1)Gollar: 1:0 – 11 Lyan Yen Gi, 1:1 – 37 Hazzoziy, 1:2 – 52 Al Sahlaviy, 1:3 – 54 Al Sahlaviy, 1:4 – 77 AL Obid.KXDR – Ri Men Guk, Sim Xen Chjin, Chjon Kvak Ik, Chjan Son Xek, Chxa Chjon Xek (Ro Xak Su, 61), Pak Son Chxol (O Xek Chxol, 56), Lyan Yen Gi (Chxo Von, 90), Ri Yen Chjik, Chjon Il Gvan, Pak Kvan Ren, Chjan Kuk Chxol.Saudiya Arabiston – Abdulla, Fallata, Havsaviy, Havsaviy, Haririy (G‘olib, 81), Al-Zoriy, Al Dosariy, Al Faraj, Al Obid (Al Muvallad, 83), Al Sahlaviy (Al Jassim, 75), Hazzoziy.Ogohlantirishlar: Chjon Il Gvan (1), Sim Xen Chjin (72), Chxo Von (90).
Izoh (0)