O‘zbekiston milliy terma jamoasi bugun Sidney shahrida Malayziyaning “Da’rul Ta’zim” klubiga qarshi o‘rtoqlik o‘yinida maydonga tushdi va 4:1 hisobida g‘alaba qozondi. Bu haqda “Stadion.uz” xabar bermoqda.
Sidneydagi Paramata shahrida o‘tkazilgan uchrashuvda Mirjalol Qosimov jamoasi ustunlikka erishdi va yakunda raqibini yirik hisobda mag‘lub etdi. O‘zbekiston terma jamoasi safida gollarga Igor Sergeyev, Jamshid Iskanderov, Sardor Rashidov va Sanjar Tursunovlar mualliflik qilishgan.
Mazkur o‘yin O‘zbekiston milliy terma jamoasi uchun Osiyo Kubogi bahslaridan oldingi so‘nggi o‘rtoqlik uchrashuvi bo‘ldi. Mirjalol Qosimov jamoasi Sidneyda Osiyo Kubogiga tayyorgarlik ko‘rishda davom etadi.
Eslatib o‘tamiz, O‘zbekiston milliy terma jamoasi Osiyo Kubogi 1-turida 10-yanvar kuni KXDR terma jamoasiga qarshi bahs olib boradi.
O‘rtoqlik uchrashuvi. 6-yanvar. Sidney.
O‘zbekiston - “Johor Da’rul Ta’zim” 4:1
Gollar: Igor Sergeyev, Jamshid Iskanderov, Sardor Rashidov, Sanjar Tursunov
Izoh (0)