Shvetsiyaning shimolidagi Lulea shahridan 50 kilometr uzoqlikda joylashgan quyuq va abadiy o‘rmonlarda Skandinaviyaning yetakchi arxitektorlari beshta o‘ziga xos daraxt-xonalarni qurishdi.
Daraxtlardagi mehmonxonaning xonalari bir-biridan farq qiladi va, g‘oyasidan kelib chiqib, o‘z nomiga ega: Oynali kub, NUJ (Noma’lum Uchar Jism), Qush uyasi, Kabina, Konus. Har birida barcha - hojatxonadan tortib, vannaxonagacha bo‘lgan qulaylik bor, ishonavering.
Bu original mehmonxonada tunab qolish, albatta, cho‘ntakka yaxshigina yuk bo‘ladi. Masalan, eng arzon xona bir kishi uchun 150 dollar, eng qimmati esa Oynali kubda ikki kishi bo‘lib qolish – bir kechasi 650 dollar.
Yana ikki kishi uchun qo‘shimcha 600 dollar to‘lasangiz, ov bilan shug‘ullanishingiz, baliq tutishingiz, qayiqda suzishingiz, ot minishingiz mumkin (bu xizmatlar fasllarga qarab o‘zgarib turadi).
Bunday mehmonxonaning xonalari bolaligida chayla qurib ko‘rgan kishilarga juda va juda ma’qul kelishiga hech shubha yo‘q.
Hurmatli yoshlar! :) To‘y xarajatlarini kamroq qiling-da, dam olgani Shvetsiyaga boring! ;)
Izoh (0)