AQShlik yigit unga uy ishlarini buyurgani uchun o‘z onasining boshini uzib tashladi

Amerikaning Florida shtati Oldsmar shahrida yashovchi 23 yoshli Kristian Xose Gomes Yangi yil kechasi o‘z onasining boshini tanasidan judo qildi, deya xabar bermoqda WFLA.

Tergov ma’lumotlariga ko‘ra, yigit onasi undan qutilarni boloxonaga olib chiqishni so‘ragani uchun uni o‘ldirishga qaror qilgan. Qotillikni u ikki kun davomida rejalashtirgan. Yangi yil kechasi Gomes ayolni garajda bolta zarbi bilan narigi dunyoga jo‘natib, so‘ng uning boshini uzib oladi va ko‘chadagi axlat qutisiga tashlaydi. Tanani esa og‘ir bo‘lgani uchun ko‘tara olmasdan, quti yonida qoldiradi.

Qotillik chog‘ida ayblanuvchining akasi uy ichida bo‘lgan, u shubhali shovqinni eshitib, garajga o‘tganida qonga belangan bolta va yerdagi qon izlarini ko‘radi. Shu izdan borib murdani topgach, politsiyaga xabar qiladi.

Gomes hibsga olingach, qotillik sabablarini o‘ta xotirjamlik bilan tushuntirib berdi.