Qutqaruvchilar Malayziyaning Indoneziyada halokatga uchragan Airbus samolyoti dum qismini topdi, deya xabar bermoqda “Gazeta.ru”.
Qidiruv-qutqaruv operatsiyasida qatnashayotgan kemalardan birining kapitani Yayan Sofyan so‘zlariga ko‘ra, samolyot dumi 29 metr chuqurlikdan topilgan.
Eslatib o‘tamiz, avvalroq AirAsia samolyoti qulagan joydan 22 kishining jasadi topilgani ma’lum qilingan edi.
28-dekabrga o‘tar kechasi Indoneziyaning Surabaya shahridan Singapurga yo‘l olgan Malayziyaning Air Asia kompaniyasiga tegishli Airbus 320-200 samolyoti yo‘qolib qoldi.
Indoneziya transport vazirligi vakili so‘zlariga ko‘ra, Jakartadagi havo harakati ustidan nazorat xizmatining layner bilan aloqasi mahalliy vaqt bilan 6:17 (Toshkent vaqti bilan 4:17) da uzilib qolgan.
Samolyotda jami 155 yo‘lovchi bo‘lib, ularning 149 nafari indoneziyalik, uch nafari koreyalik, bir nafari britaniyalik va yana biri malayziyalik.
Izoh (0)