2014-yil 30-dekabr kuni O‘zbekiston musulmonlari idorasida ommaviy axborot vositalariorqali diniy-ma’rifiy mavzularni yoritishda faollik ko‘rsatgan bir guruh ijodkorlarni taqdirlash bo‘yicha “Sarhisob” tanlovining yakuniy bosqichi bo‘lib o‘tdi, deb xabar bermoqda Din ishlari bo‘yicha qo‘mita Matbuot xizmati.
Tanlov Vazirlar Mahkamasi huzuridagi Din ishlari bo‘yicha qo‘mita, O‘zbekiston musulmonlari idorasi, Toshkent islom universiteti, Matbuot va axborot agentligi, O‘zbekiston Milliy teleradiokompaniyasi hamkorligida tashkil etildi. Tadbirda O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita raisi Ortiqbek Yusupov, O‘zbekiston musulmonlari idorasi raisi Usmonxon Alimov tabrik so‘zi bilan ishtirok etdilar.
“Sarhisob” tanlovini o‘tkazishdan ko‘zlangan asosiy maqsad mamlakatimizda buyuk alloma ajdodlarimiz merosini o‘rganish, milliy-diniy qadriyatlarimizni tiklash, dinlararo bag‘rikenglik va hamkorlik g‘oyalarini ommalashtirish, xalqimiz, ayniqsa, o‘sib kelayotgan yosh avlod ongida yot g‘oyalarga qarshi mustahkam immunitetni shakllantirish bo‘yicha amalga oshirilayotgan ishlarni ommaviy axborot vositalarida keng yoritish, ushbu yo‘nalishda faol qatnashayotgan ijodkorlarni munosib rag‘batlantirishdan iborat.
Mustaqillik yillari xalqimizning emin-erkin, xotirjam ibodat qilishi, dinimiz arkonlarini to‘liq ado etishi uchun barcha qulay sharoitlar yaratildi. Istibdod davrida qarovsiz qolgan, necha yillar davomida nurab, yo‘qlikka yuz tutib borgan yuzlab masjid va madrasalar, ziyoratgoh va qadamjolar istiqlol sharofati ila ta’mirlanib, havas qilsa arzigulik holatga keltirildi. Samarqanddagi Imom Buxoriy, Imom Moturidiy ziyoratgohlari, Buxorodagi Abduxoliq G‘ijduvoniy, Bahouddin Naqshband, Masjidi kalon majmualari, Surxondaryodagi Hakim Termiziy, Imom Termiziy, Xivadagi Ichan qal’a, Qarshi shahridagi Ko‘kgumbaz, Xo‘jai Jarroh kabi o‘nlab obidalar dunyo xazinasining noyob durdonlari safiga qo‘shildi. Eng asosiysi, bu mo‘tabar manzillar oddiy bir ziyoratgoh emas, balki xalqimiz uchun ma’naviy-ruhiy tarbiyaning ta’sirchan markazlari vazifasini o‘tamoqda. Amalga oshirilayotgan islohotlar, bunyodkorlik va taraqqiyotga daxldor ishlarni aholi orasida keng targ‘ib etish, ularda bugungi tinch va osuda hayot uchun shukronalik tuyg‘usini mustahkamlashda ommaviy axborot vositalarning o‘ziga xos o‘rni bor.
O‘zbekiston musulmonlari idorasi, Toshkent islom universiteti, Din ishlari bo‘yicha qo‘mitaning ushbu yo‘nalishda olib borayotgan keng qamrovli faoliyati alohida e’tiborga loyiq. Diniy-ma’rifiy mavzudagi eng yaxshi ijodiy ishlarning “Sarhisob” tanlovi esa bu boradagi ishlarning o‘ziga xos in’ikosidir.
Ta’kidlash joizki, so‘nggi vaqtda dunyoda ro‘y berayotgan voqea-hodisalar din niqobi ostida soxta g‘oyalarni tarqatish, odamlarni buzg‘unchilik va qo‘poruvchilikka chorlash, shu orqali tinchlik va osoyishtalikka rahna solishni maqsad qilgan turli adashgan guruh va oqimlar faoliyatining kuchayganini ko‘rsatmoqda. Ular o‘z maqsadlariga erishish yo‘lida ommaviy axborot vositalari, ayniqsa, Internet orqali odamlar ongi va dunyoqarashini zaharlashga, musaffo e’tiqodimiz asoslarini buzib talqin qilishga harakat qilmoqdalar. Ana shunday sharoitda aholi, ayniqsa, yoshlarda din haqida to‘g‘ri tasavvurni shakllantirish, ularni ajdodlarimiz qoldirgan noyob ma’naviy meros namunalaridan bahramand etish alohida ahamiyatga ega.
Tadbirda televideniye, radio, matbuot va Internet yo‘nalishlarida eng yaxshi deb topilgan ijodiy ishlarning mualliflari hamda ushbu yo‘nalishda alohida namuna ko‘rsatgan targ‘ibotchilar maxsus diplom va tashkilotchilarning esdalik sovg‘alari bilan mukofotlandilar.
Yilning eng faol targ‘ibotchisi yo‘nalishi g‘oliblari:
I o‘rin – Toshkent shahar bosh imom-xatibi Anvar Tursunov.II o‘rin – Andijon viloyati “Burhoniddin Marg‘iloniy” masjidi imom-xatibi Abdulahad Tojiboyev.III o‘rin – Toshkent shahar “To‘xtaboy” masjidi imom-xatibi, Toshkent islom instituti o‘qituvchisi Isoqjon Begmatov.
Yilning eng faol targ‘ibotchisi yo‘nalishi bo‘yicha rag‘batlantiruvchi mukofotlar:
1. O‘zbekiston musulmonlari idorasi Farg‘ona viloyati vakili Tursunali Erbo‘tayev.2. O‘zbekiston musulmonlari idorasi Xorazm viloyati vakiliDavron Abduqodirov.3. Toshkent shahar «Hazrat Ali» masjidi imom-xatibi Salohiddin Sharipov.
Televideniye yo‘nalishi bo‘yicha eng yaxshi ijodiy ishlar:
I o‘rin – Toshkent islom universiteti “Ziyo” studiyasi.II o‘rin – O‘zbekiston Milliy teleradiokompaniyasi Madaniy-ma’rifiy va badiiy dam olish dasturlari bosh muharririyati (“Hidoyat sari” ko‘rsatuvi).III o‘rin – Samarqand viloyati «Imom Buxoriy» masjidi imom-xatibi Zayniddin Eshonqulov.
Televideniye yo‘nalishi bo‘yicha rag‘batlantiruvchi mukofotlar:
1. “Yoshlar” teleradiokanali bosh muharriri Kamola Adilova.2. O‘zbekiston musulmonlari idorasi Andijon viloyati vakili Nuriddin Xoliqnazarov.
Radio yo‘nalishi bo‘yicha eng yaxshi ijodiy ishlar:
I o‘rin – O‘zbekiston musulmonlari idorasi Qoraqalpog‘iston Respublikasi vakili Shamshetdin Bauatdinov.II o‘rin – “Ziyo chashmasi” radio eshittirishlari rejisseri Shohruh Hojiboyev.III o‘rin – Din ishlari bo‘yicha qo‘mita mas’ul xodimi Muhammadbobur Yo‘ldoshev.
Radio yo‘nalishi bo‘yicha rag‘batlantiruvchi mukofotlar:
1. “Oriat dono” radiosi xodimi Bobur Akmalov.2. Toshkent islom universiteti talabasi Davron Nurmuhamedov.
Matbuot yo‘nalishi bo‘yicha eng yaxshi ijodiy ishlar:
I o‘rin – O‘zbekiston musulmonlari idorasi raisi o‘rinbosari Aydarbek Tulepov.II o‘rin – Islomshunoslik ilmiy-tadqiqot markazi ilmiy kotibi Komiljon Shermuhamedov.III o‘rin – Qashqadaryo viloyati “Batosh” masjidi imom-xatibi Abdulaziz Maxsimov.
Matbuot yo‘nalishi bo‘yicha rag‘batlantiruvchi mukofotlar:
1. “Farg‘ona haqiqati” gazetasi xodimi Ma’mura Abduraximova.2. Fizika-matematika fanlari doktori, professor Mansurxon Toirov.
Internet yo‘nalishi bo‘yicha eng yaxshi ijodiy ishlar:
I o‘rin – Novza.uz Internet manzili muharriri Toshkent islom instituti “Tahfizul Qur’on” kafedrasi mudiri Jaloliddin Hamroqulov.II o‘rin – Xadichai Kubro ayol-qizlar o‘rta maxsus islom bilim yurti direktori o‘rinbosari Farida Abzalova.III o‘rin – “Ko‘kaldosh” o‘rta maxsus islom bilim yurti mudarrisi Abduqodir Pardayev.
Internet yo‘nalishi bo‘yicha rag‘batlantiruvchi mukofotlar:
1. Ziyo.uz Internet manzili muharriri Xurshida Abdullayeva.2. O‘zbekiston musulmonlari idorasi bo‘lim boshlig‘i Muhammadnazar Qayumov.
G‘oliblar tanlov tashkilotchilariga o‘z minnatdorliklarini izhor etib, ushbu yuksak baho ularni diniy-ma’rifiy sohadagi ijodiy ishlarini yanada faollashtirishga undashini ta’kidladilar.
Tadbir doirasida O‘zbekiston musulmonlari idorasining “Movarounnahr” va Toshkent islom universiteti nashriyoti tomonidan chop etilgan nashrlar ko‘rgazmasi bo‘lib o‘tdi.
Izoh (0)