Ion dengizida yonayotgan Norman Atlantic yo‘lovchi paromi bortida 4:00 holatiga (Toshkent vaqti bilan 8:00) 257 kishi qoldi, 221 kishi qutqarildi. Bu haqda Italiya harbiy dengiz kuchlari matbuot xizmatiga tayanib, “RIA Novosti” xabar berdi.
Eslatib o‘tamiz, 28-dekabr kuni Adriatika dengizida Italiyaga tegishli, bortida 470 dan ortiq kishi bo‘lgan paromda yong‘in kelib chiqqan edi. Falokat natijasida bir kishi nobud bo‘ldi, yana bir necha kishi jabrlandi.
Italiyaning The Norman Atlantic paromi Gretsiyaning Patra shahridan Italiyaning Ankona shahriga qarab yo‘lga chiqqandi. Kema Otona orollaridan 33 mil uzoqlikda harakatlanayotganida falokat signalini yuborgan.
Qayd etilishicha, yong‘in paromning 200 tagacha avtomobilni sig‘dira oladigan garaj bo‘linmasida kelib chiqqan, shamol sabab kemaga tarqalib ketgan.
Izoh (0)