Ион денгизида ёнаётган Norman Atlantic йўловчи пароми бортида 4:00 ҳолатига (Тошкент вақти билан 8:00) 257 киши қолди, 221 киши қутқарилди. Бу ҳақда Италия ҳарбий денгиз кучлари матбуот хизматига таяниб, «РИА Новости» хабар берди.
Эслатиб ўтамиз, 28 декабрь куни Адриатика денгизида Италияга тегишли, бортида 470 дан ортиқ киши бўлган паромда ёнғин келиб чиққан эди. Фалокат натижасида бир киши нобуд бўлди, яна бир неча киши жабрланди.
Италиянинг The Norman Atlantic пароми Грециянинг Патра шаҳридан Италиянинг Анкона шаҳрига қараб йўлга чиққанди. Кема Отона оролларидан 33 мил узоқликда ҳаракатланаётганида фалокат сигналини юборган.
Қайд этилишича, ёнғин паромнинг 200 тагача автомобилни сиғдира оладиган гараж бўлинмасида келиб чиққан, шамол сабаб кемага тарқалиб кетган.
Изоҳ (0)