Avstraliya bosh vaziri Toni Ebbott Kvinslend shtati Kerns shahridagi uylardan birida sakkiz nafar bolaning o‘ldirib ketilgani yuzasidan hamdardlik bildirdi. Bu haqda “RIA Novosti” xabar bermoqda.
“Kernsdan kelib tushgan xabar chuqur qayg‘u uyg‘otadi. Bu dahshatli jinoyat. Bu kunlar mamlakatimiz uchun og‘ir kunlar. Bugun kechasi odamlar ushbu bolalar uchun yig‘lab, ularni duo qiladi”, — deyiladi 9News telekanali orqali e’lon qilingan Ebbott bayonotida.
Marhumlarning barchasi so‘yib tashlangan. Qurbonlarni 1,5 yoshdan 15 yoshgacha bo‘lgan bolalar tashkil etadi. Keyinroq ma’lum bo‘lishicha, ularning barchasi aka-uka va opa-singillar bo‘lgan.
Bundan tashqari, kasalxonaga pichoq orqali yetkazilgan jarohatlar bilan 34 yoshli ayol ham keltirilgan. U ayni paytda barqaror ahvolda bo‘lib, tergovga yordam bermoqda.
Izoh (0)