Австралия бош вазири Тони Эбботт Квинсленд штати Кэрнс шаҳридаги уйлардан бирида саккиз нафар боланинг ўлдириб кетилгани юзасидан ҳамдардлик билдирди. Бу ҳақда «РИА Новости» хабар бермоқда.
«Кэрнсдан келиб тушган хабар чуқур қайғу уйғотади. Бу даҳшатли жиноят. Бу кунлар мамлакатимиз учун оғир кунлар. Бугун кечаси одамлар ушбу болалар учун йиғлаб, уларни дуо қилади», — дейилади 9News телеканали орқали эълон қилинган Эбботт баёнотида.
Марҳумларнинг барчаси сўйиб ташланган. Қурбонларни 1,5 ёшдан 15 ёшгача бўлган болалар ташкил этади. Кейинроқ маълум бўлишича, уларнинг барчаси ака-ука ва опа-сингиллар бўлган.
Бундан ташқари, касалхонага пичоқ орқали етказилган жароҳатлар билан 34 ёшли аёл ҳам келтирилган. У айни пайтда барқарор аҳволда бўлиб, терговга ёрдам бермоқда.
Изоҳ (0)