O‘zbekiston milliy terma jamoasi Iroq terma jamoasiga qarshi ikkita o‘yin o‘tkazadi, deb xabar bermoqda O‘zbekiston Futbol Federatsiyasi matbuot xizmati.
Ta’kidlash joiz, rejaga ko‘ra O‘zbekiston va Iroq terma jamoalari 25-dekabr kuni BAAning Sharja shahrida o‘zaro o‘rtoqlik uchrashuvida maydonga tushadi. O‘zaro kelishuvga ko‘ra, ikkala terma jamoa oradan 3 kun o‘tib yana bir marotaba o‘zaro o‘ynaydilar. Iroq terma jamoasiga qarshi har ikkala o‘yin ham Sharja shahridagi “Holid bin Muhammad” stadionida bo‘lib o‘tadi.
Ma’lumot uchun, O‘zbekiston milliy terma jamoasi BAAning Dubay shahrida bo‘lib o‘tadigan Osiyo Kubogi − 2015 final bosqichiga tayyorgarlikni ikki davraga bo‘ladi. Unga ko‘ra, ilk yig‘in 14-dekabrgacha davom etsa, ikkinchi yig‘in 17−29-dekabr kunlari bo‘lib o‘tadi.
Eslatib o‘tamiz, Mirjalol Qosimov jamoasi mazkur yig‘inlar davomida Falastin (13-dekabr), Iordaniya (20-dekabr) va Iroq (25 va 28-dekabr) terma jamoalariga qarshi o‘rtoqlik uchrashuvlarida maydonga tushadi.
Izoh (0)