Kolumbiya prezidenti Xuan Manuel Santos 1-dekabr, dushanba kuni oddiy avtobusda safar qildi va yo‘lovchilar bilan suhbatlashib, ularning shikoyatlarini tingladi. Bu haqda “RIA Novosti” xabar berdi.
Xabarga ko‘ra, davlat rahbari chipta uchun pul to‘lab, soqchilari hamrohligida avtobus saloniga kirgan. Tansoqchilar yo‘lovchilarning prezident bilan suhbatiga xalal bermadi. Ular Santosni shikoyatlar va iltimoslarga ko‘mib tashladi, shuningdek u bilan suratga tushdi.
Manziliga yetgach, Kolumbiya prezidenti avtobusdan tushib, Chapinero tumanidagi maydongacha piyoda bordi. So‘ng o‘sha yerdagi do‘konlardan biriga kirib mahalliy arepa nonini sotib oldi. Uni sotuvchilar va yo‘lovchilar bilan salomlashgan holda yo‘lda yeb ketdi.
Izoh (0)