Колумбия президенти Хуан Мануэль Сантос 1 декабрь, душанба куни оддий автобусда сафар қилди ва йўловчилар билан суҳбатлашиб, уларнинг шикоятларини тинглади. Бу ҳақда «РИА Новости» хабар берди.
Хабарга кўра, давлат раҳбари чипта учун пул тўлаб, соқчилари ҳамроҳлигида автобус салонига кирган. Тансоқчилар йўловчиларнинг президент билан суҳбатига халал бермади. Улар Сантосни шикоятлар ва илтимосларга кўмиб ташлади, шунингдек у билан суратга тушди.
Манзилига етгач, Колумбия президенти автобусдан тушиб, Чапинеро туманидаги майдонгача пиёда борди. Сўнг ўша ердаги дўконлардан бирига кириб маҳаллий арепа нонини сотиб олди. Уни сотувчилар ва йўловчилар билан саломлашган ҳолда йўлда еб кетди.
Изоҳ (0)