O‘zbekiston va Qozog‘iston yillik savdo aylanmasini o‘zaro yetkazib beriladigan tovarlar nomenklaturasini kengaytirish hisobiga 5 milliard dollarga yetkazmoqchi, deb yozadi “RIA Novosti” O‘zbekiston Tashqi iqtisodiy aloqalar, investitsiyalar va savdo vaziri Elyor G‘aniyevga tayanib.
Elyor G‘aniyev avvalroq Qozog‘iston milliy iqtisodiyot vaziri Yerbolat Dosayev bilan uchrashgan edi.
Statistika ma’lumotlariga ko‘ra, O‘zbekiston va Qozog‘iston o‘rtasidagi savdo aylanmasi 2013-yil yakunlari bo‘yicha 2012-yilga nisbatan 18 foizga oshib, 3,244 milliard dollarga yetgan. Shu yilning to‘qqiz oyi natijalariga ko‘ra, savdo aylanmasi hajmi 25,7 foizga oshib, 3,061 milliard dollarni tashkil qilgan.
Eslatib o‘tamiz, avvalroq O‘zbekiston Respublikasi Prezidenti Islom Karimov Qozog‘iston Respublikasi Prezidenti Nursulton Nazarboyevning taklifiga binoan 24-noyabr kuni rasmiy tashrif bilan Ostona shahriga kelgani xabar berilgan edi.
Tashrifning asosiy voqealari 25-noyabrga mo‘ljallangan. Prezidentlar tor doirada va ikki mamlakat delegatsiyalari ishtirokida muzokaralar o‘tkazadi.
Izoh (0)