Belorussiyada talaba qizni o‘ldirgani uchun sudlangan Gomel shahri fuqarosi Aleksandr Grunovga nisbatan o‘lim jazosi ijro etildi. Bu haqda “Vesna” huquqni muhofa qilish markazi xabar bermoqda.
Avvalroq Grunovning afv etilishi yuzasidan berilgan ariza rad etilgani xabar qilingan edi. Uning ishi 13-oktabr kuni Gomel viloyat sudiga kelib tushgan va o‘lim jazosidan norozi bo‘lib shikoyat arizasi berish uchun protsessual imkoniyatlar tugagani haqidagi hujjat ilova qilingan edi.
Ma’lumotlarga ko‘ra, yil boshidan buyon Belorussiyada oliy jazoga hukm qilingan uch kishi qatl etilgan.
Belorussiya Yevropadagi haligacha o‘lim jazosi qo‘llaniladigan yagona davlatdir. YeI vakillari ko‘p marotaba ushbu jazoni bekor qilishni so‘rab respublika rahbariyatiga murojaat qilgan. Biroq prezident Lukashenko ushbu mavzu bo‘yicha izoh berar ekan, muayyan holatlarda o‘lim jazosiga ehtiyoj borligini ta’kidlagan edi.
Izoh (0)