Nyu-Yorkda yangi Jahon savdo markazi ochildi

Manxetten (AQShning Nyu-York shahridagi okrug)da Jahon savdo markazi yangi majmuasining bosh binosi ochildi, deya xabar bermoqda “Meduza”.

3-noyabr kuni osmono‘par binodagi ofislarni yangi binoga ko‘chib keladigan birinchi kompaniya — Conde Nast nashriyot uyi xodimlari egallay boshladi. Hafta oxirigacha savdo markazidagi ish o‘rinlarini 175 kishi band qiladi, 2015-yil boshida esa Conde Nast’ning yana 3000 nafar xodimi ko‘chib keladi.

Nashrning eslatishicha, Jahon savdo markazi 2001-yil 11-sentabrdagi teraktlar natijasida vayron bo‘lgan egizak binolar joylashgan joy yaqiniga qurilgan.

Uni bunyod etish ishlari 2006-yilda boshlangan. Loyihaning umumiy qiymati 3,9 milliard dollarni tashkil etdi.