Rod-Aylenddagi kollejda nutq so‘zlab, ayollar huquqlarini muhokama qilar ekan, Obama ko‘plab amerikalik ayollarni haqoratlovchi bayonot qildi, deb yozadi “RIA Novosti”.
“Ba’zan uyda bola qarash uchun onalar ishdan ketadi, bu bilan ular umrining oxirigacha kam maosh olib yashash qismatini tanlaydi. Bu amerikaliklardan biz kutgan narsa emas”, — dedi Obama. U shuningdek, o‘n yillik oxirigacha olti million nafar bolalarni yuqori sifatli bog‘chalarga berish taklifini kiritdi.
Bunga javoban advokat ayol Kristi Burton Braun Obama nomiga ochiq maktub yozib, o‘z noroziligini izhor etdi. WorldNetDaily yozishicha, ijitmoiy tarmoqlar foydalanuvchilarining ko‘pchiligi ham xuddi shu fikrda.
“Umid qilamanki, siz bilmasdan yanglish gapirib qo‘ydingiz, lekin uy bekasi bo‘lgan onalar buni shunday tushundi: siz bolalarimizdan ko‘ra, pul muhimroq ekanligini aytayapsiz”, — deb yozadi Braun.
“Bolalarimga qarash uchun ishdan ketishim natijasida 20 yillik ish stajiga ega bo‘lmasligim va erkak advokatlardan ko‘ra kamroq maosh olishim meni umuman qiziqtirmaydi”, — deya ta’kidladi u.
Advokat ayol Obamani keyingi safar o‘ylab gapirishga chaqirdi va uning o‘z bayonotiga tuzatish kiritishiga umid bildirib qoldi.
Izoh (0)