Rossiya Qrimdagi yadro obyektlari bo‘yicha javobgarlikni o‘z bo‘yniga oldi

Rossiya Qrimdagi yadro obyektlari uchun javobgarlikni o‘z bo‘yniga oldi va ularni tinch qurilmalar ro‘yxatiga kiritdi. Bu haqda “TASS” xabar bermoqda.

Nashrning yozishicha, bu haqda Rossiyaning BMTdagi doimiy vakili Aleksandr Pankin Kiyevning Qrim Rossiyaga qo‘shilishi natijasida “yadro quroli tarqalmasligi rejimi buzilishi” haqidagi bayonotiga javoban aytib o‘tdi.

Bundan tashqari, Rossiya Federatsiyasi ushbu qurilmalarda foydalaniladigan maxsus materiallar bo‘yicha to‘liq tekshiruv o‘tkazilishiga tayyorligini bildirdi.

Aleksandr Pankin Moskvaning yadro obyektlarini Atom energiyasi bo‘yicha xalqaro agentlik kafolati qo‘llanilishi mumkin bo‘lgan tinch qurilmalar ro‘yxatiga kiritganini ta’kidladi.