Microsoft korporatsiyasi asoschilaridan biri Bill Geyts dunyoning eng qashshoq mamlakatlarida bezgak va boshqa yuqumli kasalliklarga qarshi kurash uchun 500 million dollardan oshiq mablag‘ni xayriya qiladi. Bu haqda u AQShning Luiziana shtati Yangi Orlean shahrida bo‘lib o‘tgan Amerika tropik tibbiyot va gigiyena jamiyati yig‘ilishida ma’lum qildi, deb yozadi “TASS”.
U shu asr o‘rtalarida bezgakka to‘liq barham berilishiga umid bildirib qoldi. “Men 59 yoshga kirdim, biroq bezgak to‘liq tugatiladigan kunlargacha yashamasam xafa bo‘laman”, — dedi Bill Geyts.
Bill va Melinda Geyts fondi ancha yillardan buyon bezgakka qarshi kurash uchun xayriya qilib keladi, endi ular ushbu ko‘makni 30 foizga ko‘paytirishga qaror qildi. Mazkur yuqumli kasallik tufayli dunyoda, asosan Afrikada, yiliga 600 ming kishi nobud bo‘ladi.
Izoh (0)