Quvg‘indagi Ruminiya qirolining qizi Irina va uning turmush o‘rtog‘i shartli qamoq jazosi va yirik miqdordagi jarima to‘lashga mahkum qilindi, deya xabar bermoqda Kommersant.ru. Ular AQShning Oregon shtatidagi o‘z rancholarida taqiqlangan xo‘rozlar jangini uyushtirgan.
Ma’lumotlarga ko‘ra, 61 yoshli Irina Uoker va Jon Uesli Uoker u yerda so‘nggi bir yarim yil ichida o‘nga yaqin xo‘rozlar jangini tashkil qilgan. Er-xotin Uokerlar taqiqlangan shou tomoshabinlaridan 10 dollardan pul olgan, o‘z xo‘rozini urishtirmoqchi bo‘lgan ishtirokchilar esa ularga 1000 dollar to‘lagan.
Sudlanuvchilar tergovga yordam bergani uchun prokuratura ularga nisbatan ilgari surilgan qo‘shimcha ayblovlarni olib tashladi. Sud er-xotinni 3 yillik qamoq jazosiga mahkum qildi va 200 ming dollar miqdorida jarimaga tortdi.
Irina Uoker Ruminiya qiroli Mixay Birinchi va uning xotini malika Anna Burbon-Parmskayaning qizidir. Mixay Birinchi ikki marta qirollik taxtini egallagan. Biroq 1947-yilda kommunistik hukumat monarxiyani bekor qilgach, mamlakatdan ko‘chib ketishga majbur bo‘lgan.
Izoh (0)