Ebola virusiga qarshi vaksina Kanada va AQSh olimlari tomonidan qariyb o‘n yil avval ishlab chiqilgan, deya xabar bermoqda “RIA Novosti”. Biroq farmatsevtika kompaniyalari tomonidan qiziqish bildirilmagani klinik sinovlarga kirishish imkonini bermagan.
2005-yilda Nature jurnalida e’lon qilingan xabarda olimlar Ebola virusiga qarshi vaksina ishlab chiqqani, u hayvonlarda muvaffaqiyatli sinovdan o‘tkazilgani aytiladi. Biroq o‘sha vaqtda ushbu bezgak nisbatan kam uchraydigan kasallik bo‘lgani sababli ko‘pchilik farmatsevtika kompaniyalari to‘lashga qurbi yetarli bo‘lmagan mamlakatlardagina talabgir bo‘lgan mahsulotga katta xarajat sarf qilishni istamagan.
AQShning Tennessi shtatidagi vaksina ishlab chiqish bo‘yicha Vanderbild universiteti rahbari Jeyms Kroui so‘zlariga ko‘ra, vaksinani ilmiy ishlab chiqish bir necha million dollarga tushsa, uni odamlarda sinab ko‘rish va ishlab chiqarish uchun yuz millionlab dollar sarflanadi. U bozorga chiqquniga qadar kiritiladigan jami sarmoyalar 1—1,5 milliard dollarga yetishi mumkin.
Ayni paytda Ebolaga qarshi vaksina mavjud emas. Uni ishlab chiqish bilan bir nechta davlatlar, jumladan Rossiya ham shug‘ullanmoqda.
Izoh (0)