Қувғиндаги Руминия қиролининг қизи Ирина ва унинг турмуш ўртоғи шартли қамоқ жазоси ва йирик миқдордаги жарима тўлашга маҳкум қилинди, дея хабар бермоқда Kommersant.ru. Улар АҚШнинг Орегон штатидаги ўз ранчоларида тақиқланган хўрозлар жангини уюштирган.
Маълумотларга кўра, 61 ёшли Ирина Уокер ва Жон Уэсли Уокер у ерда сўнгги бир ярим йил ичида ўнга яқин хўрозлар жангини ташкил қилган. Эр-хотин Уокерлар тақиқланган шоу томошабинларидан 10 доллардан пул олган, ўз хўрозини уриштирмоқчи бўлган иштирокчилар эса уларга 1000 доллар тўлаган.
Судланувчилар терговга ёрдам бергани учун прокуратура уларга нисбатан илгари сурилган қўшимча айбловларни олиб ташлади. Суд эр-хотинни 3 йиллик қамоқ жазосига маҳкум қилди ва 200 минг доллар миқдорида жаримага тортди.
Ирина Уокер Руминия қироли Михай Биринчи ва унинг хотини малика Анна Бурбон-Пармскаянинг қизидир. Михай Биринчи икки марта қироллик тахтини эгаллаган. Бироқ 1947 йилда коммунистик ҳукумат монархияни бекор қилгач, мамлакатдан кўчиб кетишга мажбур бўлган.
Изоҳ (0)