Oliy Majlis Qonunchilik palatasining Sanoat, qurilish va savdo masalalari qo‘mitasi tomonidan 2015-yilgi Davlat byudjeti va davlat maqsadli jamg‘armalari byudjetlari, shuningdek soliq va byudjet siyosatining asosiy yo‘nalishlari muhokamasiga bag‘ishlangan yig‘ilish o‘tkazildi. Bu haqda UzReport xabar bermoqda.
Majlis ahli tomonidan 2015-yilda xo‘jalik yurituvchi subyektlarga va aholiga soliq yukini yanada pasaytirish, soliq solish tizimini soddalashtirish, mahalliy byudjetlarning daromadlar qismini mustahkamlash taklif etildi. Chunonchi, xo‘jalik yurituvchi subyektlar uchun daromad solig‘ining bazaviy stavkasini 7,5 foizgacha pasaytirish taklifi kiritilmoqda, bu esa xo‘jalik yurituvchi subyektlarning moddiy-texnik bazasini mustahkamlash va mehnatni rag‘batlantirish uchun ularning ixtiyorida qo‘shimcha 89,4 milliard so‘m mablag‘ qoldirish imkonini beradi.
Shuningdek, mikrofirma yoki kichik korxona hisoblanadigan qurilish tashkilotlari uchun yagona ijtimoiy to‘lov stavkasini 25 foizdan 15 foizgacha pasaytirish taklif qilinmoqda. Yagona soliq to‘lovini hisoblash va to‘lash tartibini soddalashtirish maqsadida, ulgurji-chakana savdoni amalga oshiruvchi korxonalar uchun 5 foiz miqdorida yagona stavka o‘rnatish hisobiga yagona soliq to‘lovi stavkasini unifikatsiyalash taklifi bilan chiqishdi.
Izoh (0)