Facebook’dagi Potrebitel.uz guruhida 20-oktabr kuni kechki payt Toshkentning Yunusobod tumanida sodir bo‘lgan yong‘in aks etgan suratlar paydo bo‘ldi. Muallifning yozishicha, hodisa tumandagi 7-shahar kasalxonasi yaqinida sodir bo‘lgan. “Biladiganlar bo‘lsa, batafsil ma’lumot beringlar”, — deb yuzlandi u guruh a’zolariga.
Ko‘p o‘tmay, postga izoh qoldirganlardan biri yong‘in dori omborxonasida chiqqanini ma’lum qildi.
Shundan so‘ng foydalanuvchilar Toshkentda so‘nggi paytlarda yong‘inlar tez-tez sodir bo‘layotganini muhokama qila boshlashdi. Bundan avval “Chinni bozor”, “Taxta bozor” va boshqa joylarda yuzaga kelgan yong‘inlar eslab o‘tildi.
Guruhning ba’zi a’zolari esa dori omborxonasi yonib ketgan bo‘lsa, endi dori-darmonlar narxi oshib ketishini “prognoz qildi”.
Guvohlar yong‘in kuchli bo‘lganini ta’kidlamoqda.
Qayd etish joiz, bu borada, 21-oktabr soat 15:25 holatiga ko‘ra, mutasaddi tashkilotlar rasmiy ma’lumot taqdim etmagan.
Izoh (0)