Олий Мажлис Қонунчилик палатасининг Саноат, қурилиш ва савдо масалалари қўмитаси томонидан 2015 йилги Давлат бюджети ва давлат мақсадли жамғармалари бюджетлари, шунингдек солиқ ва бюджет сиёсатининг асосий йўналишлари муҳокамасига бағишланган йиғилиш ўтказилди. Бу ҳақда UzReport хабар бермоқда.
Мажлис аҳли томонидан 2015 йилда хўжалик юритувчи субъектларга ва аҳолига солиқ юкини янада пасайтириш, солиқ солиш тизимини соддалаштириш, маҳаллий бюджетларнинг даромадлар қисмини мустаҳкамлаш таклиф этилди. Чунончи, хўжалик юритувчи субъектлар учун даромад солиғининг базавий ставкасини 7,5 фоизгача пасайтириш таклифи киритилмоқда, бу эса хўжалик юритувчи субъектларнинг моддий-техник базасини мустаҳкамлаш ва меҳнатни рағбатлантириш учун уларнинг ихтиёрида қўшимча 89,4 миллиард сўм маблағ қолдириш имконини беради.
Шунингдек, микрофирма ёки кичик корхона ҳисобланадиган қурилиш ташкилотлари учун ягона ижтимоий тўлов ставкасини 25 фоиздан 15 фоизгача пасайтириш таклиф қилинмоқда. Ягона солиқ тўловини ҳисоблаш ва тўлаш тартибини соддалаштириш мақсадида, улгуржи-чакана савдони амалга оширувчи корхоналар учун 5 фоиз миқдорида ягона ставка ўрнатиш ҳисобига ягона солиқ тўлови ставкасини унификациялаш таклифи билан чиқишди.
Изоҳ (0)