Toshkentdagi “O‘zbekiston” sport saroyida o‘tkazilayotgan dzyudo kurashi bo‘yicha Gran-Pri turkumiga kiruvchi yirik xalqaro turnirda 66 kilogramm vazn toifasida ishtirok etgan hamyurtimiz Rishod Sobirov oltin medalga ega bo‘ldi. Bu haqda Olamsport.com xabar berdi.
Olimpiya o‘yinlarining ikki karra bronza medal sovrindori ikkinchi davradan ishtirokini boshladi va bu bosqichda italiyalik Elio Verdini mag‘lubiyatga uchratdi. Chorak finalda Rishod belaruslik Dmitriy Shershanni taslim qildi.
Finalga chiqish uchun o‘zbekistonlik dzyudochi rossiyalik Denis Lavrentiyevni mag‘lub etdi.
Hal qiluvchi final bahsida Rishod Sobirov mo‘g‘ulistonlik Altansuk Dovdonga qarshi gilamga chiqdi. Jang davomida raqibini ikki marta vazari bahosi bilan taslim qildi va Gran-prida chempion bo‘ldi.
Izoh (0)