Yaponiya qiruvchi samolyotlari yarim yil ichida 300 marta Rossiya samolyotlarini tutib qolish uchun safarbar etilgan

Joriy yilning aprelidan sentabrigacha Yaponiya o‘z-o‘zini mudofaa qilish havo kuchlari Rossiya harbiy samolyotlarini tutib qolish maqsadida o‘z qiruvchi samolyotlarini 300 dan ortiq marta ishga solgan. Bu haqda Yaponiya mudofaa vazirligiga tayanib “TASS” xabar berdi.

Ma’lum bo‘lishicha, shu vaqt ichida Rossiya Federatsiyasi samolyotlari mamlakat havo hududiga 324 marta yaqin kelgan. Bu so‘nggi marta 6-oktabr kuni sodir bo‘lgan. O‘shanda Rossiyaning bombardimonchi Su-24 samolyoti Yapon dengizi akvatoriyasi ustidan Xonsyu oroli qirg‘oqlari bo‘ylab uchib o‘tgan, biroq Yaponiya havo hududiga kirmagan.

Faollik bo‘yicha ikkinchi o‘rinni Xitoy Xalq Respublikasi havo kuchlari egalladi, ularning samolyotlarini tutib qolish uchun Yaponiya o‘z qiruvchilarini 207 marta safarbar etgan.

Yaponiya samolyotlari yarim yilda jami 533 ta harbiy parvozni amalga oshirgan, bu 2003-yildan buyon eng katta ko‘rsatkichdir.