Yangi tadqiqot natijalari Shvetsiyada har beshta xaridning to‘rttasi elektron shaklda yoki karta yordamida amalga oshirilishini ko‘rsatdi, mamlakat naqd puldan voz kechishga qarab ildam qadamlamoqda, deya xabar berdi “RIA Novosti”.
The Local ma’lumotlariga ko‘ra, Shvetsiyaning har bir fuqarosiga bir yilda 260 ta elektron hisob-kitob to‘g‘ri keladi. Hattoki ko‘chada meva, sabzavot va gazeta sotadigan savdogarlar to‘lov uchun kartalarni qabul qiladi.
Naqd puldan voz kechish bank tizimini pulga ishlov berishga sarflanadigan xarajatdan ozod etadi, shu tariqa 1,2 milliard dollar tejalishi mumkin. Elektron to‘lov tizimi keng tarqalishi bilan qurolli talonchiliklar ham keskin kamaydi. Shvetsiya bank assotsiatsiyasi ma’lumotlariga ko‘ra, 2012-yilda bor-yo‘g‘i beshta bank o‘g‘riligi qayd etilgan.
Naqd pul Shvetsiyada pul muomalasi tizimidan 2030-yilga kelib yo‘qolishi mumkin, deya prognoz qilmoqda olimlar.
Izoh (0)