Жорий йилнинг апрелидан сентябригача Япония ўз-ўзини мудофаа қилиш ҳаво кучлари Россия ҳарбий самолётларини тутиб қолиш мақсадида ўз қирувчи самолётларини 300 дан ортиқ марта ишга солган. Бу ҳақда Япония мудофаа вазирлигига таяниб ТАСС хабар берди.
Маълум бўлишича, шу вақт ичида Россия Федерацияси самолётлари мамлакат ҳаво ҳудудига 324 марта яқин келган. Бу сўнгги марта 6 октябрь куни содир бўлган. Ўшанда Россиянинг бомбардимончи Су-24 самолёти Япон денгизи акваторияси устидан Хонсю ороли қирғоқлари бўйлаб учиб ўтган, бироқ Япония ҳаво ҳудудига кирмаган.
Фаоллик бўйича иккинчи ўринни Хитой Халқ Республикаси ҳаво кучлари эгаллади, уларнинг самолётларини тутиб қолиш учун Япония ўз қирувчиларини 207 марта сафарбар этган.
Япония самолётлари ярим йилда жами 533 та ҳарбий парвозни амалга оширган, бу 2003 йилдан буён энг катта кўрсаткичдир.
Изоҳ (0)