Ukrainada Rossiya qo‘shinlarining tarixdagi mag‘lubiyatiga bag‘ishlangan tanga zarb etildi

Ukraina milliy banki Orsha yaqinidagi jangga 500 yil to‘lgani munosabati bilan tanga chiqardi. Ushbu jangda Rossiya qo‘shinlari Buyuk Litva knyazligidan mag‘lub bo‘lgan edi, deya xabar berdi Korrespondent.net.

1514-yilda Moskva knyazi Vasiliy III Ivanovich qo‘shinlari hujumi qaytarilgan edi. Buyuk Litva knyazligining knyaz Konstantin Ostrojskiy boshchiligidagi armiyasi Polsha, Litva, Ukraina va Belarus qo‘shinlaridan tarkib topgan edi.

Ma’lum bo‘lishicha, tanga aversi tepa qismiga Ukraina davlat gerbi joylashtirilgan, uning o‘ng tomoniga “Ukraina” yozuvi tushirilgan. Uning pastiga esa tanga zarb qilingan yil va nominal — “besh grivna” tushirilgan.

Avers markazida esa Polsha, Litva, Belarus va Ukraina xalqlari harbiy hamdo‘stligini ifodalovchi to‘rtta qilichdan iborat kompozitsiya aks etgan.

Tanga reversida jangning ramziy kompozitsiyasi ifodalangan.