Украина миллий банки Орша яқинидаги жангга 500 йил тўлгани муносабати билан танга чиқарди. Ушбу жангда Россия қўшинлари Буюк Литва князлигидан мағлуб бўлган эди, дея хабар берди Korrespondent.net.
1514 йилда Москва князи Василий III Иванович қўшинлари ҳужуми қайтарилган эди. Буюк Литва князлигининг князь Константин Острожский бошчилигидаги армияси Польша, Литва, Украина ва Беларусь қўшинларидан таркиб топган эди.
Маълум бўлишича, танга аверси тепа қисмига Украина давлат герби жойлаштирилган, унинг ўнг томонига «Украина» ёзуви туширилган. Унинг пастига эса танга зарб қилинган йил ва номинал — «беш гривна» туширилган.
Аверс марказида эса Польша, Литва, Беларусь ва Украина халқлари ҳарбий ҳамдўстлигини ифодаловчи тўртта қиличдан иборат композиция акс этган.
Танга реверсида жангнинг рамзий композицияси ифодаланган.
Изоҳ (0)