Toshkent shahri Chilonzor tumanida yashovchi Svetlana Ruslanova va Nadejda Yuryeva odam savdosida ayblanib hibsga olindi, deya xabar bermoqda Podrobno.uz “Postda” gazetasiga tayanib.
Jinoyatchilar muntazam ravishda qizlarni arab davlatlariga yetkazib berish orqasidan pul topgan. Ular barchaga “toza” ish — badavlat erkaklarga ziyofat va boshqa ko‘ngilochar tadbirlarda hamrohlik qilishni va’da qilgan.
Ular uch nafar yosh qiz — Natalya, Yekaterina va Ra’noni u yerga jo‘natishga tayyorlagan. Ularni manzilga yetib borgach, viza, aviachipta va yashash uchun pul to‘lashlari haqida ogohlantirgan. Bular uchun talab etiladigan 27 ming dirham (taxminan 7500 dollar)ni qizlar bir oy ichida to‘lab, so‘ng foydani o‘zlariga olib qolishi mumkin bo‘lgan. Faqat belgilangan foizni xo‘jayinlarga to‘lab turishlari kerak bo‘lgan. Mana shunday g‘alati shartlarga ham qizlar rozi bo‘lgan.
Manzilga uchib borgach, mehmonxonaga joylashtirish bahonasida ularning pasportlarini olib qo‘yishgan. Mehmonxona o‘rniga ularni ishratxonaga keltirib, ishning asl mag‘zini tushuntirib berishgan.
Oradan biroz vaqt o‘tib, baxtli tasodif tufayli qizlar Toshkentga qochib kelishga muvaffaq bo‘ladi. Ular bu yerda zudlik bilan huquqni muhofaza qilish organlariga murojaat qiladi. Ko‘p o‘tmay Svetlana Ruslanova va Nadejda Yuryeva qo‘lga olinadi. Ayni paytda tergov ishlari yakunlanib, ish sudga topshirilgan.
Izoh (0)