Тошкент шаҳри Чилонзор туманида яшовчи Светлана Русланова ва Надежда Юрьева одам савдосида айбланиб ҳибсга олинди, дея хабар бермоқда Podrobno.uz «Постда» газетасига таяниб.
Жиноятчилар мунтазам равишда қизларни араб давлатларига етказиб бериш орқасидан пул топган. Улар барчага «тоза» иш — бадавлат эркакларга зиёфат ва бошқа кўнгилочар тадбирларда ҳамроҳлик қилишни ваъда қилган.
Улар уч нафар ёш қиз — Наталья, Екатерина ва Раънони у ерга жўнатишга тайёрлаган. Уларни манзилга етиб боргач, виза, авиачипта ва яшаш учун пул тўлашлари ҳақида огоҳлантирган. Булар учун талаб этиладиган 27 минг дирҳам (тахминан 7500 доллар)ни қизлар бир ой ичида тўлаб, сўнг фойдани ўзларига олиб қолиши мумкин бўлган. Фақат белгиланган фоизни хўжайинларга тўлаб туришлари керак бўлган. Мана шундай ғалати шартларга ҳам қизлар рози бўлган.
Манзилга учиб боргач, меҳмонхонага жойлаштириш баҳонасида уларнинг паспортларини олиб қўйишган. Меҳмонхона ўрнига уларни ишратхонага келтириб, ишнинг асл мағзини тушунтириб беришган.
Орадан бироз вақт ўтиб, бахтли тасодиф туфайли қизлар Тошкентга қочиб келишга муваффақ бўлади. Улар бу ерда зудлик билан ҳуқуқни муҳофаза қилиш органларига мурожаат қилади. Кўп ўтмай Светлана Русланова ва Надежда Юрьева қўлга олинади. Айни пайтда тергов ишлари якунланиб, иш судга топширилган.
Изоҳ (0)