“O‘zbekturizm” milliy kompaniyasi O‘zbekistonda Yaponiyaning Toyoko Inn arzon mehmonxonalar tarmog‘ini yaratish bo‘yicha muzokaralar olib bormoqda, deya xabar berdi “Podrobno” kompaniyadagi manbasiga tayanib.
“Sayyohlik mavsumi avjiga chiqqan vaqtda infratuzilmaga, ayniqsa mehmonxonalarga katta yuk tushadi. Xonalar yetishmay qolishi bilan bog‘liq vaziyatlar kuzatiladi, shu tufayli O‘zbekiston mehmonxona sektoriga xorijiy investitsiyalarni jalb etishdan manfaatdor. Shu maqsadda “O‘zbekturizm” bugungi kunda qator xalqaro tarmoqli mehmonxonalar vakillari bilan muzokaralar olib bormoqda. Jumladan, Toyoko Inn biznes-mehmonxonalar tarmog‘i bilan faol konsultatsiyalar o‘tkazilmoqda”, — deya ta’kidladi nashr manbasi.
Uning aytishicha, yaponiyaliklar O‘zbekistonda o‘z arzon mehmonxonalar tarmog‘ini yaratmoqchi. Ularning barchasi yagona uslubga ega bo‘ladi.
Izoh (0)