BMT Oziq-ovqat va qishloq xo‘jaligi tashkiloti (FAO) O‘zbekiston hukumati bilan bitim imzoladi. Hujjat shu yilning boshida Toshkentda FAO vakolatxonasini tuzish uchun imzolangan boshqa bitimlar davomi bo‘ldi. Bu haqda FAO rasmiy sayti xabar bermoqda.
FAOning O‘zbekiston Respublikasi uchun yangi dasturi 2014—2017-yillarga mo‘ljallangan bo‘lib, u FAOga resurs-sheriklar, xususiy sektor hamda boshqa milliy va xalqaro tashkilotlar hamkorligida O‘zbekistonga texnik yordam berish uchun asos yaratadi.
Bitimda ko‘zda tutilgan asosiy yo‘nalishlar qishloq xo‘jalik ekinlarini diversifikatsiyalash, qoramollar sog‘lig‘ini yaxshilash, chigirtkaga qarshi kurashni kuchaytirish, baliq yetishtirishni kengaytirish, tabiiy resurslardan oqilona foydalanish va boshqalardan iborat.
Izoh (0)