8-oktabr kuni O‘zbekiston Respublikasida havo haroratining pasayishi kutilmoqda. Bu haqda O‘zbekiston Respublikasi Vazirlar Mahkamasi qoshidagi Gidrometeorologiya xizmati markazi xabar berdi.
Markaz ma’lumotlariga ko‘ra, Toshkent shahrida havo o‘zgarib turadi, kechasi va kunning birinchi yarmida yomg‘ir yog‘adi. Harorat kechasi 8—10, kunduzi 13—15 daraja iliq bo‘ladi. Taqqoslash uchun, 6-oktabr, dushanba kuni Toshkentda havo harorati 25 daraja issiq bo‘lgan.
Qoraqalpog‘iston va Xorazm viloyatida havo o‘zgarib turadi, yog‘ingarchilik kutilmaydi. Harorat kechasi 0—5 daraja salqin bo‘ladi, ba’zi joylarda -2 darajagacha sovuq bo‘lishi mumkin, kunduzi 10—15 daraja iliq bo‘ladi.
Buxoro va Navoiy viloyatlarida havo o‘zgarib turadi, yog‘ingarchilik kutilmaydi. Harorat kechasi 3—8 daraja iliq, kunduzi 13—18 daraja; cho‘l hududlarda kechasi 0—5 daraja iliq bo‘ladi, ba’zi joylarda -2 darajagacha sovuq bo‘lishi mumkin, kunduzi 10—15 daraja bo‘ladi.
Toshkent, Samarqand, Jizzax va Sirdaryo viloyatlarida havo o‘zgarib turadi, ayrim joylarda kechasi va kunning birinchi yarmida yomg‘ir yog'adi. Harorat kechasi 3—8 daraja iliq, kunduzi 13—18 daraja bo‘ladi.
Qashqadaryo va Surxondaryo viloyatlarida havo o‘zgarib turadi, ayrim joylarda kechasi va kunning birinchi yarmida yomg‘ir yog'adi. Harorat kechasi 7—12 daraja, kunduzi 15—20 daraja iliq bo‘ladi.
Andijon, Namangan va Farg‘ona viloyatlarida havo o‘zgarib turadi, ba’zi joylarda yomg‘ir yog‘adi. Harorat kechasi 10—15 daraja, kunduzi 13—18 daraja iliq bo‘ladi.
Respublikaning tog‘li hududlarida havo o‘zgarib turadi, ba’zi joylarda yomg‘ir yog‘adi. Harorat kechasi 0—5 daraja salqin, kunduzi 7—12 daraja iliq bo‘ladi.
“Daryo” tahririyati siz azizlarga qalinroq kiyinishni tavsiya etadi. Sovuq yemang va sog‘ bo‘ling! :)
Izoh (0)