70 ёшли Иван Трифонов ҳаво шарида ер остига тушган дунёдаги биринчи киши бўлди. Улкан ҳаво шари Хорватиядаги Мамет ғорига 205 метр чуқурликка тушди, дея хабар бермоқда ekabu.ru.
Шу тариқа, Иван Трифонов ҳаво шарида ер остига парвозни амалга оширган илк одам сифатида Гиннеснинг Рекордлар китобига киритилди, бу унинг бешинчи жаҳон рекорди бўлди.
Бундай ғаройиб парвоз учун рекордчи оддий ҳаво шаридан кичикроқ ҳажмга эга махсус шардан фойдаланди. Ер остига саёҳат тахминан 25 дақиқа давом этди.
Иван Трифонов бундан аввал Жанубий қутб, Шимолий қутб ва Ўрта Ер денгизи устидан учиб ўтгани, шунингдек 12 соат ичида Шимолий қутб устида парвоз қилиб, у ерда сувга шўнғигани учун Гиннес китобига киритилган.
Изоҳ (0)